🔵 महालढवय्या जहाल आंबेडकरी प्रश्नासाठी 21 वेळा जेल मध्ये जाणारा आंबेडकरवादी तरुण रिपब्लिकन नेता, हुशार, संयमी, आक्रमक, कृतीशील महापँथर #सचिनखरात
🔵 महामानव डॉ बाबासाहेब आंबेडकर यांच्या विचाराने प्रेरित झालेल्या खरात घराण्याचा वारसा सचिन खरात आटपाडी जिल्हा सांगलीच्या शंकरराव खरात या जेष्ठ साहित्यिकाचा नातू. डॉ. बाबासाहेब आंबेडकर म्हणाले होते मला जीवावर उदार असणारे 500 तरुण हवे आहेत या 500 तरुणांपैकी एक तरुण आपल्याच घरातील असावा असे शंकरराव खरात साहेबांनी सचिनच्या वडिलांना म्हणजेच दयानंद खरात (शंकरराव खरात पुतणे) यांना सांगितले. दयानंद खरात मुळातच जहाल कडवट आंबेडकरवादी. वाटेल ते झाले तरी चालेल आपल्या मुलाचा चळवळीत जीव गेला तरी चालेल डॉ. बाबासाहेबांचे स्वप्न पूर्ण करणारच म्हणून आपल्या मुलगा सचिन याला चळवळीला आणले . दयानंद खरात मुळातच जिल्हा परिषद युनियन चे 22 वर्ष सरचिटणीस व अध्यक्ष होते. आणि सचिनची आई स्वाती खरात या डी एड झालेल्या होत्या. मोठा भाऊ पूरब सॉफ्टवेअर इंजिनीयर व छोटा भाऊ कपिल कंपनीत युनियन सरचिटणीस म्हणून काम करतो.
🔵सचिन खरात यांनी जीवाची परवा न करता कॉलेज पासून आंबेडकरी चळवळीत काम चालू केले.
🔵पुणे विद्यापीठात रिपब्लिकन स्टुडंट्स ऑफ इंडिया या संघटनेची स्थापना केली विध्यार्थ्यांच्या शिष्यवृत्ती व अनेक प्रश्नासाठी लढे दिले.
🔵 मोठा भाऊ पूरब या भावाने स्थापन केलेली भीम सेनेत काम केले.
🔵 पक्षीय राजकारण प्रवेश
🔵आदरणीय रामदास आठवले यांच्या पक्षात पुणे शहर संघटक व नंतर युवक अध्यक्ष झाले. अशी सचिनच्या संघर्षाची सुरवात झाली. आंदोलनावर आंदोलन, लढ्यावर लढे सुरु झाले. सचिन खरात यांनी महाराष्ट्र पिंजून काढू लागला.
🔵पुणे मनपाच्या सभागृहात डॉ. बाबासाहेब आंबेडकर तैलचित्र तात्काळ बसावा म्हणून पेटती मशाल घेऊन सचिन खरात यांनी आंदोलन केले येथे पहिल्यांदा सचिन खरात यांना अटक.
🔵 प्रांतभेद करू नका. गरीब लोकांना मारू नका म्हणून राज ठाकरेंची पत्रकार भवन पुणे येथे गाडी अडविण्याचा प्रयत्न केला म्हणून सचिन खरात यांना अटक.
🔵अहिल्याश्रम नाना पेठ पुणे येथील आंबेडकर कॉलेज मैदानावर त्यावेळचे माननीय मुख्यमंत्री अशोकराव चव्हाण यांची सभा उधळली कारण शासनाच्या वार्षिक कॅलेन्डर मध्ये 14 एप्रिल डॉ बाबासाहेब आंबेडकर जयंती चा उल्लेख का नाही म्हणून आंदोलन आणि सचिन खरात यांना अटक.
🔵भीमा कोरेगाव विजयस्तंभ जवळील अतिक्रमण हटवावे म्हणून त्यावेळचे गृह राज्यमंत्री मा. रमेश बागवे यांना घेऊन विजयस्तंभ येथे भेटीला सचिन खरात घेऊन गेले. ही भेट शासनाच्या प्रतिनिधी ची पहिली भेट.
🔵आजा नच ले सिनेमात जातीवादी उल्लेख असल्याने पुण्यातील चित्रपट गृहे बंद करण्याचा प्रयत्न सचिन खरात यांना अटक.
🔵 खैरलांजी हत्याकांड न्याय मिळत नाही म्हणून सांगली शहरातील विष्णुदास भावे नाट्यगृह येथे त्यावेळेसचे माननीय गृहमंत्री आर आर पाटील यांना काळे झेंडे दाखवून कार्यक्रम उधळला. सचिन खरात यांना सांगलीत अटक.
🔵14 एप्रिल डॉ बाबासाहेब आंबेडकर जयंती दिवशी दादर चैत्यभूमी येथे अभिवादन करण्यास आलेल्या मुख्यमंत्रीसह सर्व कॅबिनेट ला डॉ. बाबासाहेब यांच्या स्मारकाला साडेबारा एकर जागा देत नाही तोपर्यंत अभिवादन करू देणार नाही म्हणून आंदोलन. दादर येथील शिवाजी पार्क पोलीस स्टेशन येथे सचिन खरात यांना अटक.
🔵समाजासाठी लढणारा आणि अटक होणारा जहाल नेता म्हणून महाराष्ट्रात प्रसिद्ध. पुढे तर आंदोलनाची मालिकाच सुरु झाली.
🔵मंत्रालयातील मुख्यमंत्री यांच्या कार्यलयात ताबडतोब इंदू मिल ची जागा मिळावी म्हणून निळ टाकून आंदोलन केले म्हणून सचिन खरात यांना मारिन ड्राइव्ह पोलीस स्टेशन मध्ये अटक.
🔵दादर रेल्वे स्टेशनचे चैत्यभूमी अथवा डॉ. बाबासाहेब आंबेडकर रेल्वे स्टेशन असे नामांतर करण्यास राज ठाकरे यांचा विरोध झाल्याने शिवाजी पार्क येथील राज ठाकरे यांच्या कृष्ण्कुंज या निवास्थानापुढे 100 कार्यकर्त्यांसह आंदोलन तेथे राज ठाकरे यांचे कार्यकर्ते आणि सचिन खरात यांच्या कार्यकर्त्यात तुफान मारामारी यामुळे सचिन खरात यांना परत शिवाजी पार्क पोलीस स्टेशन मध्ये अटक.
🔵 महाराष्ट्रातील पत्रकारमध्ये व अन्य पक्षाच्या नेत्यांमध्ये चर्चा सचिन खरात नावाचे वादळ आंबेडकरी चळवळीत आले आहे. माननीय रामदास आठवले यांचा प्रामाणिक व जहाल कार्यकर्ता म्हणून प्रसिद्ध.
🔵माननीय रामदास आठवले यांनी जातीवादी आणि मनुवादी पक्षाची युती केल्यामुळे आठवले साहेबांच्या पक्षाचा राजीनामा.
🔵मुंबई चैत्यभूमी येथे महाराष्ट्रातील तरुण कार्यकर्त्यांना घेऊन रिपब्लिकन पॅन्थर ऑफ इंडिया या संघटनेची स्थापना केली.
🔵सुहास पळशीकर असलेल्या समितीने डॉ बाबासाहेब आंबेडकर कार्टून चा समावेश पुस्तकात केल्याने समाजाच्या तीव्र भावना समजाव्यात म्हणून रिपब्लिकन पॅन्थर ऑफ इंडिया च्या कार्यकर्त्यांनी पुणे विद्यापीठातील कार्यालय फोडलं. महाराष्ट्रात आकांड तांडव सुरु झाला त्यावेळी सचिन खरात यांनी जबाबदारी घेतली. या आंदोलनाचे पडसाद प्रसारमाध्यमे व वृत्तपत्रावर ठळकपणे प्रसिद्ध झाले.
🔵 डॉ. बाबासाहेब आंबेडकर यांच्या स्वप्नातील रिपब्लिकन पक्षात मरणार आणि जगणार म्हणून रिपब्लिकन पार्टी ऑफ इंडिया खरात पक्षाची स्थापना सचिन खरात यांनी केली.
🔵 माननीय रामदास आठवले जातीवाद्यांशी युती केल्यामुळे तरुणात असंतोष वाढला होता म्हणून मुंबई पत्रकार भवन येथील आठवले साहेबांच्या पत्रकार परिषदेत साहेब जातीवाद्यांशी युती करू नका म्हणून घोषणाबाजी व गोंधळ. रिपब्लिकन पार्टी ऑफ इंडिया खरात पक्षाच्या कार्यकर्त्यांना आझाद पोलीस स्टेशन येथे अटक. या कार्यकर्त्यांना सचिन खरात यांच्या सांगण्यावरून आठवले साहेब यांनी सोडले.
🔵महाराष्ट्रात जेथे जेथे अन्याय होत होता तेथे सचिन खरात भेट देऊ लागला.
🔵जवखेडा नगर येथील हत्याकांड झालेल्या कुटुंबास भेट दिली त्यानंतर महाराष्ट्र विधानसभेचे अधिवेशन सुरु असताना जवखेडा प्रश्नावर विधानभवनाच्या गेटसमोर शेकडो कार्यकर्त्यांसह आंदोलन आणि सचिन खरात यांना अटक
🔵रोहित वेमुला आत्महत्या प्रकरणात झालेल्या अन्यायाला प्रतिकार म्हणून सचिन खरात यांनी हैद्राबाद विद्यापीठात जाऊन आंदोलन केले.
🔵पुणे येथे माननीय पंतप्रधान नरेंद्र मोदी साहेब यांनी गुजरात उना प्रकरणाची दखल घ्यावी म्हणून काळे झेंडे दाखवणार समजल्यावर रात्री 12 वाजता सचिन खरात यांना पुणे पोलीसांनी अटक केली. पंतप्रधान गेल्यावर सोडून दिले.
🔵भाजपा सरकार आल्यापासून भारतात दलितांवर अत्याचाराची परिसीमा गाठली हे मनूच्या काळ्या कायद्याने झाले म्हणून सनातन्यांचा तीव्र निषेध करण्यासाठी महाराष्ट्र राज्याच्या विधानसभेच्या सभागृहात सचिन खरात यांनी ब्राम्हणवाद व मनुवाद मुर्दाबाद घोषणा देत मनुस्मृती टराटरा फाडली म्हणून सचिन खरात यांना अटक.
🔵मुंबई दादर येथील डॉ. बाबासाहेब आंबेडकर भवन पाडल्याबद्दल त्यावेळचे मुख्यमंत्री देवेंद्र फडणवीस यांची पुणे येथील कार्यक्रमात आरपीआय खरात पक्षाच्या कार्यकर्त्यांची घोषणाबाज़ी. आणि अटक
🔵इंदू मिल येथील डॉ. बाबासाहेब आंबेडकर स्मारकाचे काम त्वरित चालू करा यासाठी मंत्रालय गेट समोर सचिन खरात यांनी 200 कारकर्त्यासह आंदोलन केले. अनेक कार्यकर्त्यांना अटक झाल्यानंतर न्यायालयासमोर आम्ही जामीन घेणार नाही असे सचिन खरात यांनी सांगतले. सचिन खरात आणि कार्यकर्त्यांना ठाणे तळोजा जेल मध्ये नेले. जेल मध्ये जोपर्यंत स्मारकाचे काम चालू होत नाही तोपर्यंत जेवणार नाही असे जाहीर केले. लवकर स्मारकाचे काम चालू करतो असे मुख्यमंत्री यांनी जाहीर केले. अटकेवर अटक व अनेक केसेस न्यायालयात चालू आहेत सचिन खरात डगमगला नाही. लढणे व संघर्ष करने सुरूच होते.
🔵भीमा कोरेगाव दंगलीचे आरोपी संभाजी भिडे आणि मिलिंद एकबोटे लवकर अटक करावी म्हणून नवपेशवाई सरकारच्या विरोधात कमरेला खराटा आणि गळ्यात मडके घालून सचिन खरात यांनी मंत्रालय गेट समोर निषेध म्हणून आंदोलन केले आणि सचिन खरात यांची अटक थांबली नाही.
🔵अशी शेकडो आंदोलने, रस्ता रोको, निदर्शने, आरक्षण, अट्रॉसिटी, सरकारी कर्मचारी आरक्षण, खाजगी क्षेत्रात आरक्षण मिळावे म्हणून सचिन खरात यांनी केली आहेत. थोडीच आंदोलने सांगितली आहेत अशा नेत्याची नव्हे कार्यकर्त्याची महाराष्ट्राला गरज आहे. सचिन खरात 500 तरुणांपैकी एक आहे तुम्ही या 500 तरुणांत सामील व्हा.
आंबेडकरी चळवळीला हातभार लावा.
🔵 सचिन खरात म्हणतात डॉ. बाबासाहेब आंबेडकर म्हणाले माझ्या नंतर माझे सुशिक्षित बांधव माझ्या अडाणी बांधवाकडे पाहतील का म्हणून मी सुशिक्षित घराण्यातुन असलो तरी सुखाने नोकरी करण्यापेक्षा माझ्या अडाणी बांधवाकडे पाहण्यासाठी आंबेडकरी चळवळीत संघर्ष करण्याचा व वेळ प्रसंगी अटक होण्याचा निर्णय घेतला.