बुलढाणा जिल्हा प्रतिनिधी रघुनाथ गवई
अंधश्रद्धा व हीडीस रूढी परंपरा केल्या तुम्ही उध्वस्त येथे प्रत्येक शूद्रतिशुद्रांच मरणही होतं स्वस्त तमाम शूद्रातिशूद्र व स्त्रियांच्या जीवनात होता सदा सूर्यास्त . तुम्ही सूर्य म्हणून जन्मला तसा प्रत्येक झोपडीत आणि वस्तीत आशेचा सूर्योदय झाला …. जळली इथली जळमटं अज्ञान अंधकार केला तुम्ही नष्ट आता आम्ही सर्व झालो डोळस…..दिसू लागले मित्र आणि शत्रू स्पष्ट . इतिहासाने तर कित्येक वेळा कित्येक मारल्या कोलांटऊड्या पण तुम्ही ओळखून होता….या मातीच्या ऐतिहासिक नाड्या रायगडी जाऊन राजांच्या समाधीचा शोध लावून ,पूजा अर्चा करून ……तुम्ही मुक्त केल्या बंदिस्त इतिहासाच्या गुलामीच्या बेड्या. सुरू करूण पहिली शिवजयंती स्वतंत्र केलीत तुम्ही….ही शापित असलेली मुर्दाड भयभीत माती व इतिहासालाही वाटली तुमची भीती म्हणून शिवजयंतीचे श्रेय …. इतिहासाने मारले लो. टिळकांच्या माथी. अत्तंदीपंभवं प्रमाणे चमकलात तुम्ही व प्रकाशित केला आसमंत सारा हे सूर्यतेज संपविण्यासाठी …..धूर्त बगळ्यांनी घेतला रामोशांचा सहारा. पण तुमच्या प्रभावाने …..रामोशी म्हणून आलेले मारेकरी जेव्हा झाले तुम्हा उभयतांचे अंगरक्षक तुमच्या कार्याचे वैचारिक वारकरी तेव्हा धूर्त बगळ्यांनी घातले लोटांगण तुम्हा उभयंतांच्या चरणावरी. हि. रा. गवई. (पर्यवेक्षक )श्री शिवाजी हायस्कूल मुख्य शाखा अकोला. अ. भा. म. सा. परीषद जिल्हा सल्लागार7387651514