बहुजन मुक्ती पार्टीचे उमेदवार मा. नाथाभाऊ पाचर्णे यांनी आज 198 शिरूर हवेली विधानसभा मतदारसंघातून भव्य आणि उत्साही वातावरणात, हजारो समर्थकांच्या उपस्थितीत उमेदवारी अर्ज दाखल केला. या प्रसंगी मतदारसंघातील विविध सामाजिक, सांस्कृतिक आणि राजकीय घटकांनी मोठ्या संख्येने हजेरी लावली. शिरूर हवेली मतदारसंघातील सर्वसामान्य जनतेचे प्रतिनिधित्व करण्यासाठी आणि त्यांच्या हक्कांसाठी आवाज उठवण्यासाठी, मा. नाथाभाऊ पाचर्णे यांनी बहुजन मुक्ती पार्टीच्या माध्यमातून हा लढा सुरू केला आहे.
पार्टीच्या पुणे जिल्हा कार्याध्यक्ष मा. फिरोजभाई सय्यद यांच्या नेतृत्वाखाली या निवडणुकीसाठी जोरदार तयारी सुरू आहे. मा. फिरोजभाई सय्यद यांनी स्पष्टपणे सांगितले की, शिरूर हवेली मतदारसंघात सत्ता भोगणाऱ्या प्रस्थापित नेत्यांनी सर्वसामान्य जनतेच्या समस्या दुर्लक्षित केल्या आहेत. त्यामुळेच या मतदारसंघातील जनतेला सशक्त, सक्षम आणि विश्वासू पर्यायाची गरज आहे, जी बहुजन मुक्ती पार्टी प्रदान करण्यास सक्षम आहे. त्यांनी या निवडणुकीतून समाजातील प्रत्येक घटकाला, विशेषत: बहुजन समाजाला, न्याय मिळवून देण्याचा संकल्प केला आहे.
मा. नाथाभाऊ पाचर्णे यांच्या उमेदवारीला जनतेचा भरघोस पाठिंबा मिळत आहे. ते मतदारसंघातील विकासकामे, शिक्षण, रोजगार, आरोग्य, पायाभूत सुविधा आणि समाजातील दुर्बल घटकांसाठी आवश्यक असलेल्या विविध योजनांची अंमलबजावणी करण्यावर लक्ष केंद्रित करतील. या लढ्यात त्यांनी सर्वसामान्य जनतेला सहभागी होण्याचे आवाहन केले आहे.
या निमित्ताने बहुजन मुक्ती पार्टीने मतदारांना तिसऱ्या आणि नवीन पर्यायाची संधी देण्याचे आवाहन केले आहे. “परिवर्तन हीच खरी गरज आहे आणि ती पूर्ण करण्यासाठी बहुजन मुक्ती पार्टी कटिबद्ध आहे” असे सांगून, व्यवस्थेतील अडथळे दूर करण्यासाठी आणि समृद्ध समाज घडवण्यासाठी मतदारांनी या निवडणुकीत बहुजन मुक्ती पार्टीला पाठिंबा द्यावा, असे आवाहन करण्यात आले आहे.
सर्वसामान्य जनतेच्या कल्याणासाठी विशेष योजनांची अंमलबजावणी.; रोजगार निर्मिती आणि उद्योजकतेसाठी प्रोत्साहन.;शिक्षण आणि आरोग्य सुविधांच्या उभारणीसाठी खास प्रकल्प;समाजातील प्रत्येक घटकाला न्याय देण्याचा प्रयत्न.या प्रमुख मागण्या घेऊन बहुजन मुक्ती पार्टी शिरूर हवेली मतदार संघात विधान सभेसाठी रनशिंग फुकले आहे.
